ОДБЕЛЕЖУВАЊЕ НА 3ти ДЕКЕМВРИ МЕЃУНАРОДЕН ДЕН НА ЛИЦАТА СО ПОСЕБНИ ПОТРЕБИ

            Црвен крст на Република Северна Македонија Општинска организација Кавадарци во склоп на проектот “Подобрување на социјализацијата на деца и млади со посебни потреби” заедно со лицата со посебни потреби од Дневниот центар и Посебните паралелки од училиштето Страшо Пинџур Кавадарци го одбележаа 3ти Декември Меѓународниот ден на лицата со посебни потреби.

            На околу 15 деца од посебните паралелки им беа донирани едукативни игри и игри за забава, додека околу 15 деца од Дневниот центар беа на ручек со цел децата да научат правилно однесување за време на земање оброк, а во исто време и да се дружат и забавуваат.

            Овој проект е финансиски поддржан од Комерцијална Банка АД Скопје, истиот се реализира години наназад и од истиот се задоволни децата, нивните родители и наставници, преку кој проект се одржуваат бројни активности, работилници и рекреативни прошетки кои им прават задоволство и радост на децата.